FELICES FESTAS A TOD@S...!!!

"Que nunca nos falte un soño polo que loitar, un proxecto que realizar, algo que aprender, un lugar a onde ir, e alguén a quen querer".

Moi felices festas!!!

Ania e Diana

SAMAÍN E MAGOSTO

Chega con algo de retraso pero aquí tedes un pequeno resumo do moito que desfrutamos nas festas do Samaín e do Magosto. Agora xa estamos comezando a preparar o festival do nadal con moitas ganas e ilusión. Esperamos que vos agrade.   Saúdos.   Diana e Ania.

ACHÉGASE O SAMAÍN

Coma tódolos anos, por estas datas, no cole xa estamos preparando a festa do Samaín que celebraremos o vindeiro mércores 31 de outubro. Fixemos unhas bruxas, que xa veriades expostas no corredoiro das nosas clases, e unha cortina terrorífica para a porta, decorada con cabazas e pantasmas. Tamen escribimos os nosos medos en verso para introducilos no buzón dos medos que queimaremos o mércores para que estes desaparezan.
 Asimesmo aproveitamos para lembrarvos de que o luns xa podedes traer as vosas cabazas decoradas para o concurso e que o mércores os nenos poden vir disfrazados de algo relacionado co medo xa que é algo diferente e que lles fai ilusión. Un saúdo.

O DESCUBRIMENTO DE AMÉRICA

Como xa sabedes, nas aulas de 5 anos comezamos a traballar sobre o mar, as especies mariñas, a flora do mar, os barcos, os submarinos... Hai moitas cousas que os nosos alumnos queren saber sobre o tema, e durante este trimestre trataremos de darlle resposta a todas as súas inquedanzas.

Pero ademais, nesta semana celébrase o Descubrimento de América. Non quixemos perder esta gran ocasión de aprender máis sobre os barcos e as embarcacións antigas, e aquí tedes os debuxos das carabelas dos nenos e nenas de 5 anos. Podedes velos expostos na parede do corredor das nosas clases.

Agardamos que vos gusten!!

NOVO CURSO, NOVO PROXECTO: "A AUGA"

Antes de nada, queremos darvos a benvida outra vez ao noso blog despois das vacacións. Comezamos este novo curso con moitas forzas e moita ilusión, e con moitos proxectos e actividades por diante.

Este ano o tema central de traballo do colexio é A AUGA. Nós xa comezamos a traballar sobre o mesmo con moitas ganas, e aquí vos deixamos as primeiras respostas dadas polos nenos e nenas a unha serie de preguntas que lles fixemos.

Lédeas con atención porque participaron todos e son moi ocurrentes e divertidas. Esperamos que vos gusten!!

ANIVERSARIOS 3º TRIMESTRE

Cun pouco de retraso ofrecémosvos un vídeo de todos os nenos e nenas que estiveron de aniversario no terceiro trimestre de curso. Agardamos que vos guste.

E moitas felicidades a todos aqueles e aquelas que cumprides anos no verán!!

UN ADIANTO DAS FOTOS DE APÍPOLIS

Imaxinamos que a estas alturas os vosos fillos e fillas xa vos contaron moitas das actividades que fixemos na excursión a Apípolis. Foi un gran día no que puideron ver e experimentar todo o que estamos traballando estas últimas semanas na clase sobre as abellas.

Pero, sen dúbida, o que máis lles gustou foi a visita ao apiario, con estes traxes tan simpáticos e cos que estaban guapísimos. Alí portáronse coma valentes, e seguiron todas as recomendacións dos monitores. 

AS PROFES ESTAMOS MOI ORGULLOSAS DO SEU COMPORTAMENTO!!

Nuns días compartiremos con vós todas as fotos da xornada.

EXCURSIÓN FIN DE CURSO: "APÍPOLIS"

Como xa sabedes, o próximo xoves día 7 realizaremos unha saída a APÍPOLIS. Estamos todos impacientes pola chegada deste día, xa o temos colocado no calendario, e todas as mañás contamos canto falta para a excursión.

Recordámosvos que os nenos/as deben vir vestidos co chándal do cole, e traer un calzado que lles cubra todo o pé, e que sexa de velcro.

Na clase xa hai uns días que comezamos a coñecer cousas das abellas, estamos todos moi interesados en aprender. Pronto poderedes ver algunhas das actividades que estamos a facer.

NOVA CARTA DOS AMIGOS DE XINZO

Esta mañá, cando chegamos á escola, esperábanos unha gran sorpresa: un paquete enorme moi ben envolto e unha carta dos nosos amigos de Xinzo.

Contábannos moitas cousas, novidades do seu día a día e o traballadores que son. E enviáronnos uns cadros preciosos feitos por eles mesmos. Agora estamos buscando o sitio máis axeitado na aula para colgalos. Hoxe queremos compartir con todos vós os agasallos que nos enviaron os nosos amigos.

Xa estamos matinando na resposta!!  Moitas grazas amigos!!

"CONSTRUÍNDO PARÍS"

Nestas últimas semanas estivemos coñecendo moitas cousas sobre París. Vimos moitos dos seus monumentos máis importantes, coñecemos a súa bandeira e algunhas batallas importantes, aprendemos a dicir algunhas palabras en francés, e descubrimos un lugar máxico chamado Disneyland París que moito nos gustou. Traballamos un montón e ata puidemos deixar voar a imaxinación para construír unha torre Eiffel de plastilina da maneira que se nos ocorrese. Despois fixemos unha torre todos xuntos con palillos e plastilina.

E, para rematar, decidimos facer unha maqueta cos sitios e monumentos que aprendemos.

Aquí vos deixamos unha foto do noso pequeno París!!

PAUTAS PARA CONTAR UN CONTO

Algúnhas nais pedíronnos axuda ou consello sobre como contarlles os contos aos nenos. Aquí vos deixanos dous enlaces que esperemos vos sirvan de axuda.
Por certo xa temos un papá que se anima a contar un conto. Esperamos que vos vaiades animando o demáis.

Pautas para contar un conto

Vídeo de como se conta un conto

MAMÁS CONTACONTOS

   Como xa sabedes, estes días sodes vós os protagonistas xa que vos brindamos a posibilidade de vir a contarlles un conto aos nenos. Cada día apúntase algunha mamá máis pero aínda botamos en falta a algún pai xa que aínda non se animou ningún. Dicir que os nenos están encantados coa iniciativa e nós estamos moi satisfeitas coa cantidade de nais que están participando. Aínda estades a tempo de apuntarvos. Animádevos, é toda unha experiencia. Deixámosvos algunhas fotos a ver si vos entra o "gusanillo"

 Un saúdo

Raquel (mamá de Marcos)

Eva (mamá de Sara)

Mónica (mamá de Noa)

Sonia (mamá de Blas)

O MAGO NOEL

O pasado martes día 15, veunos visitar ao cole un invitado moi especial. O Mago Noel que nos fixo pasar un rato fantástico cos seus trucos e chistes. Aquí vos deixamos algunha fotos do espectáculo. Un saúdo.

RESPONDEMOS A CARTA AOS NOSOS AMIGOS DE XINZO

Como xa saberedes polos vosos fillos e fillas, na semana pasada recibimos correo dos nenos e nenas de 4 anos dun colexio de Xinzo de Limia, en Ourense. Na carta invitábannos a ser os seus amigos. Ao longo da semana redactamos entre todos as cartas de resposta, unha carta para os nenos/as de 4 anos A, e outra para os nenos/as de 4 anos B. Aquí vos deixamos o que entre todos decidimos contarlles nas cartas, e uns agasallos que fixemos nas clases para mandarlles. XA ESTAMOS ESPERANDO A SÚA RESPOSTA CON IMPACIENCIA!!!

Carta a Xinzo - diapositivas

NOVA ACTIVIDADE: "FAMILIAS CONTACONTOS"

Dende sempre a nós, como mestras destes dous grupos de alumnos, gustanos a idea de que as familias participen o máximo posible nas actividades escolares dos seus fillos. Estes últimos días estivemos a pensar na posibilidade de involucrarvos na "HORA DE LECTURA", para que sexades as familias as que vos animedes a contarnos contos.

Xa temos moitas voluntarias, e outras que xa se están animando. Aquí vos deixamos o calendario coas primeiras familias apuntadas. Mañá mesmo comezamos coa primeira!! 

Ánimo a todos os demais!!

CARTEÁMONOS CON NENOS E NENAS DOUTRO COLE!!

Os nenos e nenas de 4 anos comezamos a poñer en marcha un novo proxecto: a CORRESPONDENCIA ESCOLAR. Hoxe recibimos carta dos nenos e nenas de 4 anos dun colexio de Ourense. Explicábannos que lles gustaría moito ser amigos nosos, que no cole lles gustaba xogar e aprender moitas cousas, e que lles gustaría que lles contestaramos contándolles moitas cousas.

Ademais enviáronnos uns agasallos: pegatinas para todos!!

Agora estamos preparando a resposta con moita emoción. A través do blog podedes seguir esta actividade que esperamos sexa moi productiva para todos. Aquí tedes as fotos das dúas clases cos agasallos que nos enviaron.

MOITAS GRAZAS AMIG@S DE XINZO!!

ÚLTIMO DÍA DOS "CONTOS PREFERIDOS"

Hoxe chegamos ao final na lectura dos contos favoritos. Tanto os nenos como as mestras estivemos moi entusiasmados con esta actividade dende que comezamos ata o seu remate. Aos nenos e nenas das nosas clases xa lles gustaban moito os contos, pero dende que levamos a cabo esta idea, podemos dicir que é a hora preferida da mañá. Despedímonos desta actividade cos contos preferidos de JAVIER e DIANA.

Pero as actividades relacionadas cos contos non rematan aquí. AGORA TÓCAVOS ÁS FAMILIAS PARTICIPAR COMO CONTACONTOS. Xa temos algunha voluntaria para a semana que vén. Ánimo a todos os demais!!

                                                                    

CONTINUAMOS COS NOSOS CONTOS FAVORITOS

Nesta semana seguimos lendo os nosos contos preferidos. Nestes últimos días lemos os contos dos nosos compañeiros SAÚL e GABRIEL. Aquí tedes as súas fotos cos libros que trouxeron e que moito nos gustaron.

OS NOSOS CONTOS PREFERIDOS

Cada día quedan menos contos dos que fomos traendo das nosas casas para contar. Pero con esta actividade logramos que o intre de lectura sexa o máis agardado da mañá. Nestes últimos días tocoulles o turno a SARA e IRENE, e a XIANA e LAURA que nos trouxeron dous contos e hoxe repetiron. Aquí tedes as súas fotos.

                                                          

CONTOS E MÁIS CONTOS

Agora que xa case estamos rematando a actividade de ler o conto preferido de cada neno, propoñémosvos outra que pode resultar interesante para todos. O pasado venres veu á clase a profe Miriam a contarnos o conto de Garabancińo. Como sabedes, Miriam é a nai dunha das nosas compañeiras, e esto deunos unha idea. Animámosvos a todos vós, pais, nais, avós, etc... a que veñades un día a clase a contarlles un conto aos nenos. Se vos animades simplemente tedes que falar con nós e fixaremos unha data. Estamos seguras de que aos neno faralles moita ilusión tervos na clase. Así que agardamos a vosa participación.

PADRIÑOS E MADRIÑAS DE LECTURA!!

Un día máis lemos nas aulas os contos preferidos dos nosos compañeiros/as. Hoxe CARLA e PAULA compartiron con nós os seus libros favoritos. Pero as actividades relacionadas coa lectura non rematan aquí; o venres pasado os nenos e nenas do instituto viñeron ao cole a ser os nosos "PADRIÑOS E MADRIÑAS DE LECTURA". Cada un deles preparou un conto, e contáronnolo individualmente. Foi un día marabilloso no que desfrutamos coa lectura, cuns narradores espectaculares. E ademais houbo intercambio de agasallos. Nós fixémoslles uns marcapáxinas-monstro e eles..... eles trouxéronnos de todo!! Aquí vos deixamos as fotos de grupo.

E moitas grazas aos "padriños e madriñas". Agardamos que pronto repitades!!!

                                            

                               

MÁIS CONTOS...

Un día máis chegou a hora da lectura nas clases de 4 anos, o momento máis agardado da mañá. E por que? Porque é cando cada neno comparte cos demais o seu conto favorito. Tres compañeiro máis tiveron a oportunidade de mostrarnos os seus libros preferidos. Aquí tedes os contos de MARÍA, ANXO e KEVIN.